თორმეტ სიმიანი გიტარა ვიზუალურად არის ჩვეულებრივი აკუსტიკური გიტარა, თუმცა მას ექვს სიმიანი გიტარისაგან განსხვავებით  თორმეტი სიმი აქვს. სიმები განლაგებულია წყვილ - წყვილად და ერთი სიმის მაგივრობას წევს ორი სიმი.

გიტარის პირველი სამი წყვილი სიმი აწყობილია უნისონში, ანუ აქვს ერთი და იგივე ჟღერადობა და ასევე არის ერთი ზომის. ქვედა დაბალი სამი სიმის წყვილი სიმები კი იწყობა ოქტავით მაღლა და მათი ზომა (სისქე) თანამიმდევრულად იზრდება.

თორმეტ სიმიანი გიტარის წყობა: 1.1-E,  2.2-B,  3.3-G, 4-D.4-D octave, 5-A.5-A octave, 6-E. 6-E octave

 ვესტერნ გიტარა არის იგივე აკუსტიკური გიტარა, თუმცა საკმაოდ დიდი სხვაობაა ვესტერნ და კლასიკურ გიტარას შორის. კლასიკური, ნეილონის სიმებიანი გიტარისაგან განსხვავებით ვესტერნს აქვს რკინის სიმები, ასევე მისი კორპუსი (დეკა) არის შედარებით უფრო მასიური და დიდი, როგორც სიგანეში ისე სიმაღლეში. აქვს ვიწრო გრძელი გრიფი და იგი თავის დიზაინით და ფორმით ელექტრო გიტარის გრიფს უფრო წააგავს, ვიდრე კლასიკურისას.

 კლასიკური, ანუ ნეილონის სიმებიანი გიტარა არის ინსტრუმენტი, რომელიც შეიძლება იყოს გამოყენებული პროფესიონალი მუსიკოსის მიერ,თუმცა რეკომენდირებულია დამწყებთათვის და ასევე მოყვარულებისათვის. მსგავსი ტიპის ინსტრუმენტს შეიძლება შეხვდეთ ძალიან ბევრ ქართულ ოჯახში, თუმცა აღმოჩნდება, რომ მეპატრონე მოგვიანებით ან შემთხვევით აღმოაჩენს, რომ ინსტრუმენტი არის დაბალი ხარისხის, ან ქარხნული "ბრაკი ",  მაგრამ ამაზე ფიქრი დაგვიანებულია, რადგანაც ფულიც გადახდილია და ერთი შეხედვით ინსტრუმენტსაც არაფერი  სჭირს.

კლასიკური გიტარა - ნეილონის სიმებით ეს არის ინსტრუმენტი, რომელიც ითვლება ყველა სხვა სახის გიტარის წინამორბედად.მისი პირველი პროტოტიპი შექმნა ანტონიო დე ტორესმა 1860 წელს. კლასიკურ გიტარას აქვს ძალზედ თბილი,მელანქოლიული და ზოგ შემთხვევაში მისტიური ჟღერადობა,რის გამოც გარდა კლასიკური მუსიკისა, მას მასიურად იყენებენ მუსიკის სხვა და სხვა ჟანრში. საკმარისია აღინიშნოს ფლამენკოს სტილი, რომელიც ალბათ წარმოუდგენელია კლასიკური გიტარის გარეშე, თუმცა აღსანიშნავია ისიც, რომ წმინდა კლალსიკური  და კერძოდ ფლამენკოს სტილის გიტარებში არის გარკვეული სხვაობა, ფლამენკოს სტილის გიტარები კლასიკური გიტარის ნაირსახეობაა, თუმცა ის უფრო მსუბუქი ხის მასალისგან მზადდება.